Manifesto das Redes Escarlata
Somos un grupo de persoas que, unidos por unha preocupación común aínda que
plural relativa ó pensamento e ó estado da cultura, despois de varias
reunións de traballo, decidimos organizarnos e intervir como asociación
socio-cultural asamblearia que aglutine a todos aqueles que compartan
connosco unha visión crítica co abafante panorama que nos impón o presente.
Consideramos imprescindíbel para iso o formularmos a través dun manifesto
as ideas básicas do noso proxecto, manifesto que hoxe queremos darlle
a coñecer á opinión pública. Como se verá, as nosas posicións ideolóxicas
parten duns principios xerais rexidos polo nacionalismo e a esquerda,
principios xa de seu contestatarios nun contexto coma o actual en que
medran e avanzan
Procuraremos desde o noso ámbito de actuación defender a dignidade do
individuo e das multitudes, da sociedade e das culturas. Neste sentido,
considerámonos continuadores do labor emprendido modernamente en desde
as estructuras do poder a reacción españolista e os dogmas neoliberais.
Galicia, desde os chamados Precursores, e que nós entendemos como un
empeño inquebrantábel por devolverlle ó pobo galego a súa dignidade
política e e a súa dignidade cultural.
Partindo destas premisas pretendemos elaborar un proxecto aberto e dinámico,
nin excluínte nin dogmático. É por iso polo que o manifesto remata cun
chamamento á adhesión e ó traballo, á resistencia activa, fronte a un
mundo de cadeas. O obxectivo é, ó final, probabelmente ben simple: A
LIBERDADE.
Compostela, 4 de maio de 2001
Actualizado: 19/11/2006 11:13
Subvencionado pola Presidencia da Xunta de Galicia.
Secretaría Xeral de Política Lingüística
